بقلم يونس رقيق…
عبد الصمد قيوح تارودانت الجنوبية وزير النقل واللوجيستيك والمنسق الجهوي لحزب الاستقلال بجهة سوس ماسة ووكيل لائحة الميزان بدائرة تارودانت الجنوبية اللي فيها 4 ديال المقاعد فتشريعية 23 شتنبر 2026 الحملة
سوق خميس هوارة أولاد تايمة
دار حملة كبيرة فالسوق الأسبوعي ديال خميس هوارة مع المناضلين، وكان تجاوب كبير من المواطنين، حيث كيتمتع بشعبية كبيرة فمسقط الرأس ديالو هوارة
و فـ أولاد تايمة دار جولة مباشرة فالشوارع والمقاهي كيهضر مع الناس وكيجاوب على الأسئلة ديالهم على البرنامج المحلي والإقليمي
أيت إعزة
دار مهرجان خطابي كبير حضرو كتر من 3000 شخص من ساكنة أيت إعزة والجماعات المجاورة، وحط ملفات فصلب الخطاب ديالو: الماء الطرق والبنية التحتية الشغل
سبت الكردان وأهل الرمل والكدية البيضاء:
اختار الأسواق المفتوحة باش يتلاقى مع التجار والفلاحين، وهضر على مشكل الماء الصالح للشرب وفك العزلة. وفالكدية البيضاء هضر على مشروع ديال تعبيد 11 كلم ديال المسالك القروية لستة دواوير اللي بدا فغشت 2026
الاستراتيجية ديالو
كيقول أن العمل السياسي ماشي موسمي، وخاصو يكون عمل ميداني متواصل والقرب من المواطن هو الركيزة الأساسية
ودعا المغاربة للمشاركة بكثافة يوم 23 شتنبر وقال أن المشاركة هي *رسالة للعالم ومواجهة لأعداء الوطن وأن الملفات الكبيرة اللي جاية هي تنزيل مقترح الحكم الذاتي بعد 50 سنة ومشاريع كأس العالم 2030
